لماذا تتبرج الفتاة ثم تغضب من معاكسة الشباب لها؟!

لماذا الفتاة تتبرج ولا تريد احد يتعرض عليها أو يغازلها، طبعاً سمعنا كثيرا وربما شاهدنا بأعيوننا المواقف

التي تحدث من خلال المعاكسات

سواء كانت هذه المواقف طريفة او محرجة او فاضحة

وبدأت تكثر خلال هذه الفترة ومازالت تتزايد بشكل كبير وسريع

قال الرسول صلى الله عليه وسلم (كلكم راعٍ وكلكم مسئول عن رعيته)

فلا بد للأب أن ينظر إلى المظهر الخارجي لبناته المتمثل في العباءة السوداء وغيرها

عند خروجها من المنزل للأسواق او المولات والمجمعات والاماكن العامة

والاهتمام بهذا الأمر لعدم انجراف البنات مع صرخة الموضات والتساهل في ارتداء هذه

العباءات في مثل هذه الاماكن ولكي لا يتعرضوا للمضايقات والمعاكسات ،

وعلى الأم مسئولية كبيرة في تربية أبنائها وبصفة خاصة بناتها لقربها منهن في البيت

وتربيتهن على اللباس الشرعي منذ الصغر
وصدق الشاعر حين قال :
الأم مدرسة اذا أعددتها أعددت شعباً طيب الأعراق

عندما نرى فتاة متبرجه وترتدي العباءة المخصرة وعليها انواع النقوش

والزخارف والتطريز وتضحك بصوت عالي مع صديقتها وغيرها من التصرفات

او تستهبل مع واحد من اصحاب المحلات وتكون خفيفة

اول شي يتبادر الى عقولنا هذا السؤال
اين اهلها عنها ؟؟ اباها او اخاها
لذا العتب في البداية يكون على الأهل

وبعدها يبدأ التفكير والتخطيط الاستراتيجي والبلوتوث واخراج القلم والمسطرة والورق

لبدء مشروع علاقة جديدة

ولكن للأسف قد بدأت الموضة العالمية والأزياء الفاضحة تسيطر على مجتمعاتنا وأصبحنا

نسمع بالعباءات الأمريكية واليابانية والسويدية والفراشة والكلاسيكية واللبناني والفرنسي مع

أن نسائهم ما يلبسون هذي العبايات. !!!!

اذكر موقف شاهدته بعيني في احد الشاليهات فتاتين بكامل زينتهما

يركبان دبابة واحده وبعد ان انتهوا من اللعب وبعدها بدا الشباب يلاحقونهما ويغازلونهما

واستغربت كثيراً واختي الصغيرة من انزعاجهما بصراحة جلست اضحك يعني ليه كذا ؟؟

يروحون ويجون ويسوون ويقولون وفي الاخير يتضايقون ؟؟

لو انهم عارفين حدودهم وان الشي هذا راح يلفت نظر الشباب لهم ماكان تضايقوا وسووا

فضيحة بالمكان اللي هم فيه ولاهلهم ..

دامهم يتصرفون بالطريقة هذي او باي طريقة ثانية ملفته للنظر

شي اكيد ان الشباب راح يغازلونهم بسبب التبرج وعدم الالتزام باللبس الشرعي

والحجاب والتصرفات اللي ما تليق بالبنت ..

مثلا بالاسواق نشاهد فتيات كثر منهم المحجبه ومنهم المتبرجة

ونجد بعض الشباب يركضون خلف هذه الفتاة المتبرجة

وهذا شي طبيعي لانها فتنه وفتنة اعين المعاكسين وجذبت انتباههم

بس ليه تعصب وتصرخ اذا عاكسها واحد ولا اثنين ؟؟؟

ما اقدر اجزم واقول ان كل البنات اللي يتبرجون ويتزينون انهم مو مربيات تربية اسلامية بالعكس

معروف عن بنات حواء انهم يحبون التبرج والاستعراض ومن هذي الحركات

وفي بنات ماشاء الله عليهم اخلاق وادب ومالهم في شغل المغازلات

نشوفهم لابسين عبايات على الراس او على الكتف او مخصرة

بس تكون في حالها ومحترمه نفسها ومو قصدها تغازل

بس هذا ما يمنع انها ما تتعرض للمعاكسات لانها مظهره زينتها للناس

عكس البنت اللي لابسه عباية ومحتشمة ماحد يقدر يغازلها ويضايقها

عادي ان البنت تتبرج وتتزين بس كل مكان له لباسه اللي يناسبه


اين اساس المشكلة ؟؟
وكيف حلها ؟؟
ومن السبب في هذه المعاكسات ؟؟
وعلى من يقع اللوم الأكبر ؟؟ الفتاة ام الشاب !!



وقبل ماانهي كلامي ..
اتمنى من الجميع يكتب رايه فالمجــال مفتوح في الموضوع ..
لان الناس صارت تتبرج وتمنع المعاكسات في نفس الوقت .. !!
ويطيح اللوم كله فوق راس الشباب !! < وش ذنبه المسكين


الإختــلاف في الرأي لا يفســـد للود قضيـــة

احب اني اشوف وجهة نظركم وارائكــم ونقاشكــم ونزف اقلامكــم

تسلمين لي قمرهم كلهم على ردج
ويعطيج العافيه

ويله نبي الباقي

والله كلامك كله صح


لا تعلييييييييق بصــــــراحــــه


يسلموو خلوو ع الموضوووع الحــــــــــــــــلوووووو....

في اشياء ينعرف انه الكل بيجوفهة اذا الكشه فالتهة واذا المكياج مترس الويه اكيد بيجفونهة

بعد لصبيان اذا يستحون على ويهم يخلون البنات في حالهم وماعليهم منهم

الله يعطيك العافية

ثنكيووووووووووو على ردودكم
ويعطيكم العافيهانشالله

والغلط من الجهتين
لازم البنات يكون فيه حد حق لبسهم وسترهم
ونفس الشي الصبيان لازم غظ النظر لكن شلون بيكون غظ نظر مدام البنيه بروحها ماحتشمت
هني المشكله
وعالعموم
ثنكيوووو

مشكور اخوي ع الموضوووع

بس البنيه من طبيعتها وايد تتحب ان اهي تتمكيج وتتعدل وهالحركات
مو معناتها البنت لين سوت كل هالاشياء معناتها ان اهي متعدله حق الشاب و المعاكسات


يسلمــــــوووو =)

ثنكيوووووووووووو على ردج
ويعطيج العافيه
وتسلمين على ردج مرة ثانيه

يعطيكم العافيه على ردودكم وحواركم
وانا رايي من رايكم
وتسلمون على ردكم المميز